श्याम गुप्ता
बारा, ८ चैत
बाराको सिमरामा चैत्र ९ गते भोली देखि फुटबलको महाकुम्भ हुँन लागेको छ । मोफसल कै प्रतिष्ठित फुटवल प्रतियोगिता जगदम्बा जीतपुरसिमरा गोल्डकपको १३ औं संस्करणको सम्पूर्ण तयारी भएको छ ।
उद्घाटन समारोहलाई लक्षित गर्दै आयोजक नव जनजागृति युवा क्लबले रंगशालामा मञ्च व्यवस्थापन, प्यारापीट रंगरोगनको काम गरेको छ । रंगशालामा पत्रकार सम्मेलनको आयोजना गर्दै आयोजकले तयारी अन्तिम चरणमा पुगेको समेत जनाएको हो ।
आयोजक क्लबका अध्यक्ष रामचन्द्र लामाले प्रतियोगिताको तयारी अन्तिम चरणमा पुगेको जनाए । लामाका अनुसार प्रतियोगितामा ए डिभिजनका पाँच सहिँत १० टिमले सहभागिता जनाउँने निश्चित भएको छ ।
साविक विजेता न्युरोड कर्नर टिम (एनआरटी), उपविजेता नेपाल एपीएफ क्लब, चर्च ब्वाईज, सातदोबाटो युथ क्लब, हिमालयन शेर्पा क्लब, मोफसलका बिरगंज युनाइडेड क्लब, मकवानपुर ११, बागमती युवा क्लब, केबीए ग्लोबल चितवन र आयोजक नवजनजागृतीले प्रतियोगितामा सहभागिता जनाउँने छन् । चैत्र १८ गते सम्म सञ्चालन हुँने प्रतियोगिताको उद्घाटन खेल आयोजक र चितवन बिच हुँने भएको छ ।
जीतपुरसिमरा उपमहानगरपालिका मुख्य सहयोगी र जगदम्बा स्टील्स् प्रालि मुख्य प्रायोजक रहेको प्रतियोगिताको विजेताले १० लाख र उपविजेताले पाँच लाख प्राप्त गर्ने छन् । विधागत पुरस्कार तर्फ सर्वाेत्कृष्ट खेलाडीले एक थान मोटरसाइकल, उत्कृष्ट गोलरक्षक, मिडफिल्ड, डिफेन्स, फरवार्ड, प्रशिक्षक, सर्वाधिक गोलकर्ताले जनही २० हजार प्राप्त गर्ने छन्, भने उदयीमान खेलाडीले नगद १५ हजार पाउँने छन् ।
प्रतियोगिताको सम्पूर्ण खेल फ्लड लाईटमा हँुने छन् । पछिल्लो दुई वर्ष देखि सिमरा रंगशालामा रात्री समयमा खेल भईरहेको छ । गर्मी मौसम र दर्शकलाई लक्षित गर्दै आयोजकले फ्लड लाईटमा खेल सञ्चालन गर्न थालेको हो ।
रात्रीको समयमा खेल हुँदा दर्शकको बाक्लो उपस्थिती हुँदै आएको छ । आयोजकले प्रतियोगिता सञ्चालन गर्न अनुमानित एक करोड ६ लाख रुपैयाँ खर्च हुँने जनाएको छ । प्रतियोगितालाई जीतपुरसिमरा उपमहानगरपालिका, जगदम्बा स्टील्स् सहिँत स्थानीय कलकारखाना, उद्योगी व्यवसायी र स्थानीयले सहयोग गरेका छन् ।
जीतपुरसिमराको पहिचानलाई राष्ट्रिय स्तरमा स्थापित गर्नका लागि प्रतियोगिताको महत्वपूर्ण भूमिका रहँने भन्दै स्थानीय समेत उत्साहित भएका छन् । मोफसल कै प्रतिष्ठित प्रतियोगिताको रुपमा परिचय स्थापित गरेको जीतपुरसिमरा गोल्डकपको खेल हेर्न बारा जिल्ला सहिँत बिरगंज, निजगढ, चन्द्रनिगाहपुर, हेटौंडा लगायतको शहरबाट दर्शक सिमरा आउँने गरेका छन् ।

सम्बन्धित

जनकनन्दिनी गाउँपालिकासँग प्रदेश र केन्द्रका साँसद मन्त्रीहरु विभेद गर्दै आएको छ : गाउँपालिका अध्यक्ष यादव

बाराको मटिआर्वा लगाएतको नाकाबाट व्यापक रुपमा तस्करी;तस्कर प्रशासन मालामाल; राजशव कंगाल

सशस्त्र प्रहरीको डिएसपी रिजालको कमान्डमा  १०लाख भन्दा बढीको तस्करीको सामान पक्राउ 

बाढीले पुस्तक बगायो, स्कुल डुबायो पढ्ने कसरी??

दशैं, तिहारलाई लक्षित गर्दै ट्राफिक प्रहरीद्वारा धनुषाका विभिन्न स्थानमा यात्रु सहायता कक्ष स्थापना

प्रधानमन्त्री उद्धार कोषमा ५१ लाख रुपैयाँ दिन प्रदेश सरकारलाई सत्ता गठबन्धनको आग्रह

जनकपुरधामको शक्तिपीठमा पूजा आराधना गर्न भक्तजनको घुइँचो

धनुषाको मुडिवामा नवनिर्मित डिहबार बाबा मन्दिरको उद्घाटन