2024-04-26
Close
2024-04-26
जनकपुरधाम २१ कार्तिक ,साविकको अञ्चल अस्पताल एवं हालको प्रादेशिक अस्पताल जनकपुरमा बिचौलियाको काम गरेको आरोपमा २ जना पक्राउ परेका छन् । प्रादेशिक अस्पाल जनकपुरको OPD सेवामा उपचारका लागि आउने बिरामीहरु तथा बिरामिका आफ्नतहरुलाई फकाइ अन्यन्त्र निजी किलिनिकमा उपचारार्थ लैजाने गरेको गोप्य सूचनाको आधारमा बुधबार २ दलाललाई प्रहरीले पक्राउ गरेको हो ।
पक्राउ पर्नेमा जिल्ला धनुषा जनकपुर उपमहानगरपालिका ८ वस्ने वर्ष २५ को मन्नु सिंह भन्ने निर्मल साह र वर्ष ४० को राजेश यादव रहेको जिल्ला प्रहरी कार्यालय धनुषाले जनाएको छ ।
दुवै जनामाथि सार्वजनिक शान्ति विरुद्धको कसुर शिर्षकमा मुद्दा दर्ता गरी आवश्यक अनुसन्धान कार्य गरिरहेको प्रहरीले जनाएको छ ।
पछिल्लो समय प्रादेशिक अस्पताल जनकपुरमा दलाली बढेको छ । त्यहाँ उपचार गराउन आएका सर्वसाधारणलाई फकाएर, डराएर केही डाक्टर, नर्स लगायत दलालहरुले निजी क्लिनिकमा लगि कमिसन खाने धन्दा गर्ने गरेका छन् । सरकारी अस्पतालमा कम पैसामै उपचार हुने तर निजीमा लगेर जथाभावी शुल्क जोडेर सर्वसाधारणलाई लुट्ने काम भइरहेको छ ।
This will close in 20 seconds
