2024-04-28
Close
2024-04-28
सिरहा । सिरहामा अदालती कार्यप्रक्रिया तथा उजुरी फर्छयौट सम्बन्धि एक दिने अन्तरक्रिया कार्यक्रम सम्पन्न भएको छ ।
शिक्षा तथा मानव श्रोत विकास केन्द्र सानोठिमी भक्तपुरको आयोजनामा सिरहाको होटल रमझममा गरिएको कार्यक्रममा शिक्षा क्षेत्रमा अदालती कार्यप्रक्रिया तथा उजुरी फर्छयौट सम्बन्धि विभिन्न बिषयमा प्रकाश पारिएको थियो ।
शिक्षा विकास तथा समन्वय इकाइ प्रमुख शशि कुमार यादवको अध्यक्षता एवम् शिक्षा तथा मानव श्रोत बिकास केन्द्र सानोठिमी भक्तपुरकी निर्देशक अनिता कोईरालाको प्रमुख आतिथ्यमा कार्यक्रम भएको हो ।
विद्यालयमा सुशासन कायम राख्ने उदेश्यले यस्ता कार्यक्रमहरु प्रभावकारी हुने निर्देशक कोइरालाले बताइन् ।
जिल्ला शिक्षा कार्यालयहरू लाई सक्रिय बनाई विद्यालयको विद्यमान शैक्षिक प्रणालीलाई अझ बढी प्रभावकारी बनाउन शिक्षामा अदालती कार्यप्रक्रिया पनि जान्नु जरुरी रहेको देखिन्छ ।
शिक्षण पेशामा कतिपय क्रियाकलापले केरियरमा पनि असर हुने खाले विभिन्न एक्सनहरु काम कार्वाही हुने भएकाले यसमा सजग रहनु पर्ने यसमा जोड दिन इकाइ प्रमुख यादवले बताए । । यस्तै विद्यालयमा शैक्षिक सुशासन कायम गर्नु पर्नेमा जोड दिनुपर्ने उनले थपे ।
विद्यालय संग सम्बन्ध राख्ने उजुरी र गुनासोहरु सम्बन्धि निकाय बाट खोजबिन भएमा खण्डमा माग गरेको कागजात तत्काल उपलब्ध गराउनु पर्ने बताए ।
शिक्षा तथा मानव स्रोत बिकास केन्द्रको शाखा अधिकृत बिनिता सत्यालले अदालती प्रक्रिया तथा उजुरी फर्छौट सम्बन्धि कार्यक्रमलाई सहजीकरण गरेकी थिइन ।
उक्त अन्तरक्रियामा शिक्षा शाखा प्रमुख , विभिन्न विद्यालयका प्र.अ ,शिक्षक , विद्यालय व्यवस्थापन समितिका पदाधिकारी लगायतको सहभागिता रहेको थियो ।
This will close in 20 seconds
