2024-12-12
Close
2024-12-12
जनकपुरधाम । धनुषामा लर्ड गणेश ईँगलिस बोर्डिँग स्कूल बसले मोटरसाईकलमा सवार युवकलाई ठक्कर दिँदा एक युवकको मृत्यू भएको छ ।
शुक्रबार विहान करिब १०ः४० बजेको समयमा हुलाकी सडकखण्ड अन्तर्गत औरही–तिनकौरियाको बीचमा पर्ने जोगियारास्थित स्कूल बस र मोटरसाईकल जुधेको प्रहरीले जनाएको छ ।
विदेह नगरपालिका वडा नम्बर ७ जोगियारस्थित तिनकौरिया चोकबाट औरही तर्फ जाँदै गरेको प्रदेश २ ००२ ००४ प ३७८२ नम्बरको मोटरसाईकल र विपरित दिशातर्फबाट जाँदै गरेको ना ४ ख ५७० नम्बरको स्कूल बसबीच ठक्कर भएको हो ।
सो दुर्घटनामा धनुषाको विदेह नगरपालिका वडा नम्बर ७ बस्ने २० बर्षिय सँतोष यादवको मृत्यू भएको प्रहरीले जनाएको छ । दुर्घटनापछि गम्भिर घाईते भएका यादवको उपचारको लागि जनकपुर ल्याउँदै गर्दा बाटोमै मृत्यू भएको प्रहरी चौकी तिनकौरियाले जनाएको हो ।
प्रहरी वरिष्ठ नायव नीरिक्षक कुवेर खतिवडाको कमाण्डमा घटनास्थल पुगेको मुचुल्का टोलीले मुचुल्का गरेको हो । प्रहरी वरिष्ठ सई खतिवडाका अनुसार, मोटरसाईकल र स्कूल बस प्रहरीको नियन्त्रणमा रहेको छ ।
तिनकोरिया चोकस्थित सँचालनमा रहेको लर्ड गणेश ईँगलिस बोर्डिँग स्कूलको बसले सँतोषलाई ठक्कर दिएको थियो । अहिले स्कूल बस तिनकौरिया प्रहरीको नियन्त्रणमा रहेको छ । बस चालक तिनकौरिया बस्ने रमेश मण्डल फरार रहेको प्रहरीले जनाएको छ ।
