2025-04-28
Close
2025-04-28
जनकपुरधाम । जिल्ला ट्राफिक प्रहरी कार्यालय धनुषाका प्रमुख इन्स्पेक्टर हरि बहादुर ओली जो दैनिकी जसो सडकमा समय ब्यतित गर्ने गर्छन ।
अधिकांश समय ट्राफिक जनचेतना जगाउनमा ब्यस्त इन्स्पेक्टर ओली बिगतमा ट्राफिक प्रहरीमा देखिएको बिकृती हटाउन र दुर्घटना न्यूनीकरणमा हरसम्भब प्रयास गर्न पछि पर्दैनन् ।
पुष माघको जाडो होस या बैशाख जेठको उखर्माउलो गर्मी प्रहरीको वर्दीमा अफ्नो कर्तव्य निष्ठामा तल्लिन प्र निरिक्षक ओलीको अथक प्रयास पछि धनुषामा उच्च दुर्घटनाको क्रम भंग भएको छ । जनकपुरधामका राजधानी केन्द्रित भिआईपी सडक हुन् या ग्रामीण भेगका सडक हुन् दुर्घटनाको न्यूनीकरण कसरी गर्ने बारे जनचेतनामूलक कार्यक्रम उनको दैनिकी बनेको छ । उनको सक्रियताले धनुषामा दुर्घटनाबाट मृत्यु हुनेको संख्यामा सुधार पाएको छ ।
बिगतको आर्थिक वर्ष २०८०/२०८१ मा श्रावण देखि चैत्र सम्ममा ५९ जनाको दुर्घटनामा मृत्यु भएकोमा भने हाल २०८१/२०८२ मा करिब ५० जनाको मात्र दुर्घटना बाट मृत्यु भएको जिल्ला ट्राफिक प्रहरी कार्यालयको तथ्यांकमा रहेको छ । यो संख्या बिगतको भन्दा ९ जनाले कम हो । यता बिगतमा ट्राफिकले सवारीलाई दु:ख दिएको घट्ना सर्बसाधारणको एक मानसिकता बनेको बेला सवारीबाट हुने जीउँधनको सुरक्षा र झन्झट रहित सेवा प्रदान कसरी गर्ने कुरा उनको प्राथमिकतामा देखिन्छ । इन्स्पेक्टर ओलिको क्रियाशिलतामा ट्राफिकले बिगत नौ महिनामा जनचेतनामूलक कार्यक्रम नगरेको कुनै पालिका रहेका छैनन् ।धनुषामा रहेका १८ स्थानीय तहमा रहेका विद्यालय तथा सार्बजनिक क्षेत्रमा उनको कार्यक्रम प्राय हुने गरेको छ ।
सुधारका क्षेत्रमा एक चुनौतीको रुपमा रहेकी सिटि रिक्साको ब्यबस्थापन इन्स्पेक्टर ओलीको पालामा सुधार उन्मुख देखिन्छ । नगरमा अव्यवस्थित रहेको सिटि रिक्सा अहिले पार्किङ स्थलमा रहेको देख्न सकिन्छ । पार्किङ क्षेत्र भन्दा बाहिर रहेका सवारीलाई नियन्त्रणमा लिएर करर्बाही गर्ने गरेको देख्न सकिन्छ ।
जनकपुरधामको केन्द्र रहेको जानकी मन्दिर परिसरमा हुन ठेला गाढाको पर्किङ हटेपछी बाटो हिड्न सजिलो भएको स्थानीय बताउँछन् ।
बिगतमा बिबादास्पद बन्ने गरेको लाइसेन्सको ट्राइलमा समेत सुधार भएको परिक्षार्थि बताउने गरेका छन् । दलाल र बिचौलियाबाट बच्न प्रयाप्त सचेतनामुलक कार्यक्रम प्रहरी इन्स्पेक्टर ओली बताउँछन् ।
