जनकपुरधाम, साउन २३ गते। सत्तारुढ नेपाल कम्युनिष्ट पार्टी(नेकपा)धनुषा जिल्ला कमिटीको शुक्रवार हुने सपथग्रहण रोकिएकोछ ।पार्टीको केन्द्रिय सचिवालय बैठकले सपथग्रहणमा रोक लगाएकोछ ।

शुक्रवारका लागि निर्धारित सपथग्रहण समारोहमा रक्षा मन्त्री इश्वर पोखरेल प्रमुख अतिथि थिए ।तर तत्कालिन नेकपा एमालेका नेताहरुले जिल्ला कमिटी गठन अवैधानिक तरिकाबाट भएको उजुरी गरेपछि सपथग्रहण रोकिएको हो । पूनगर्ठित जिल्ला कमिटीमा भौतिक पूर्वाधार तथा यातायात मन्त्री रघुबीर महासेठले १२ जनालाई विधान विपरित सोझै जिल्ला सदस्य बनाएका हुन् ।

विधान अनुसार पार्टीको विभिन्न पदमा रहेर कम्तिमा ७ वर्ष काम गरेकाहरुलाई मात्र जिल्ला कमिटी सदस्य बनाउन सकिन्छ ।तर महासेठले ६महिना पहिले सदस्यता लिएकाहरुलाई समेत सदस्य बनाएका छन् । महासेठले असन्तुष्टहरुलाई हटाएर आफ्ना पक्षधरहरुलाई अवैधानिक तरिकाले राखेपछि विवाद चुलिएकोछ ।महासेठले निर्वाचन क्षेत्र नम्बर ३ र ४ बाट मापदण्ड नपुगेकाहरुलाई कार्यसमितिमा राखेपछि उनका पुराना सहयोगीहरुले समेत साथ छाडेका छन् ।

तत्कालिन एमाले विभाजित भएर नेकपा माले हुँदा समेत सकृय सहयोग गरेका चन्द्र देव राउत, पछिल्लो दिनमा सहयोगी रहेका रत्नेश्वर गोइत(लाल गोइत),लक्ष्मीनारायण भगत, सुशिल साह, सहदेव मुखिया लगायतका नेताहरुले महासेठलाई छाडेका छन् । मन्त्री महासेठ भ्रष्टाचारको आरोपमा बदनाम भइरहेको बेला जिल्लामा उनका पुराना इमान्दार सहयोगीहरुले साथ छाडेका छन् ।

जिल्ला अध्यक्ष राजकिसोर यादव महासेठ निकट मानिन्छन् । तर तत्कालिन नेकपा एमालेका सत्रुधन महतो, श्रीप्रसाद साह, योगनारायण यादव लगायतका प्रभावशाली युवा नेताहरु महासेठका विरोधी खेमाको सामुहिक नेतृत्व गरिरहेका छन् ।

सम्बन्धित

शहिदनगर : नगरपालिकामा तालाबन्दी गर्न पुगेका वडाध्यक्ष पक्राउ

सशस्त्र प्रहरी बल नेपाल नं. ८ गण धनुषाले मनाए १७ औँ वार्षिकोत्सव

धनुषामा श्रीमतीको बन्चरो प्रहार गरि हत्या गर्ने श्रीमान र जेठाजु पक्राउ

तराई-मधेशमा तातो हावा, जनजीवन प्रभावित

तिनकौरिया : कानूनको उल्लंघन नगरी जनताको भावना अनुसार काम गर्ने प्रहरी वरिष्ठ सई खतिवडा

नेविसंघले शिक्षा गुणस्तरको माग गर्दै देशैभरका स्थानीय तहमा बुझाए ज्ञापन

मधेश सरकारमा नवनियुक्त ३ मन्त्री र १ राज्यमन्त्रीले लिए शपथ

सशस्त्र प्रहरी बल धनुषाको १७ औं वार्षिकोत्सवमा जानकी मन्दिरमा सरसफाई