पार्टी निर्णय उल्लंघन गर्दै धरानमा समाजवादीका युवाहरु संविधान दिवसको विरोधमा

२०७६ असोज ३ अमरेन्द्र चौधरी

धरान: नेपालको संविधान २०७२ अपुरो भएको भन्दै जलाउने समाजवादी पार्टीका अध्यक्ष उपेन्द्र यादव पनि नेकपा नेतृत्वको वर्तमान सरकारमा उपप्रधान तथा स्वास्थ्य मन्त्री छन् ।

अपुरो भएको त्यही संविधान वमोजिमको प्रतिनिधिसभा र प्रदेश सभा निर्वाचनमा सहभागी भएर समाजवादी पार्टी सरकारमा सामेल छ । त्यसैले आज संविधान दिवसलाई विरोध गर्ने कि मनाउने भन्ने बारे यो पार्टीले ठोस निर्णय लिन सकेन । समाजवादी पार्टीले आज संविधान दिवसलाई सरकारले भनेजस्तरी दिपावली पनि नगर्ने र विरोध गर्दै सडकमा पनि ननिस्कने निर्णय गर्दै तल्लो कमिटिसम्म निर्देशन दिएको थियो । तर, आज दिउँसो धरानमा आयोजित विरोध र्यालीमा भने पार्टीको यो निर्णय विपरीत समाजवादीको झण्डा फहरियो ।

असोज ३ गतेलाई पहिचानवादी क्षेत्रीय राजनीतिक दलहरुले कालो दिनकोरुपमा हरेक बर्ष मनाउदै आएका छन् । धरानमा लिम्बूवान, खम्बुवानलगायत पहिचान पक्षधर भनिएका पार्टीहरुले शुक्रबार पनि कालो झण्डासहित विरोध र्याली निकालेको थियो । उक्त र्यालीमा संघीय सरकारको हिस्सेदार समाजवादी पार्टीको पनि झण्डा फहरियो । ठुलो आकारको झण्डासहित युवाहरु संविधान दिवस कालो दिन हो भन्दै नारा लगाउदै हिडेका थिए ।

पार्टी नीति र निर्णय विपरीत समाजवादीको झण्डा संविधान दिवसमा किन फहरायो ? कपुरीन्यूजले सोधखोज गर्ने क्रममा समाजवादीका युवाहरुले पार्टी निर्णय र नीतिलाई उल्लंघन गरेको पाइयो । समाजवादीका धरान उपमहानगर कमिटि अध्यक्ष ताजुब लिम्बूसँग सम्पर्क गर्दा शुरुमा त उनले अनभिज्ञता प्रकट गरे । ‘म अहिले विराटनगरमा छुँ, पार्टीले विरोधमा सडकमा उत्रने निर्णय गरेको छैन, त्यसो नहुनुपर्ने हो,’उनले भने ।

केही समयपछि अध्यक्ष लिम्बूसँग सम्पर्क गर्दा पार्टीको निर्देशन र निर्णय विना नै युवाहरु झण्डासहित विरोध जनाएको गएको स्वीकार गरे । यो बिषयमा उनले युवाहरुसँग छलफल गरिरहेको बताए । ‘युवा साथीहरु भावनामा बहकिएर पार्टी निर्णय र निर्देशन विना गएछन्, त्यसबिषयमा छलफल गर्दैछांै,’अध्यक्ष लिम्बूूले भने,‘साथीहरुको बुझाई कम भएर यस्तो भएको हो ।’

उनले पार्टी सरकारमा भएपनि संविधानलाई अझै स्वीकार नगरिएको दाबी गरे । त्यसैले सरकारमा भएर पनि पार्टीले सरकारको फरमान विपरीत संविधान दिवस नमनाउने निर्णय गरेको लिम्बूको जिकिर थियो । ‘हाम्रो विरोधको शैली नै यही हो, सरकारले त सबैलाई संविधान दिवस मनाउनु भन्यो, तर सरकारमै भएर पनि हामीले नमनाउने निर्णय गर्यौं । स्वागत गरेनौं, दिपावली गरेनौं, यो विरोध नै हो, तर युवा साथीहरुको बुझाई कम भयो,’उनले भने ।

सम्बन्धित

मधेशका मुख्यमन्त्री सरोज यादव आज विश्वासको मत लिने, असफल पार्ने जनमतको रणनीतिक

नेपाल एसिसी प्रिमियर कपको सेमिफाइनलमा प्रवेश

उदाउँदो सूर्यलाई अर्घ्य दिँदै चैती छठ सम्पन्न

धनुषा : बुवाको अन्तिम सँस्कारमा आएकी महिलाको गहुँ खेतमा हत्या, प्रहरीको डग टोली घरसम्म गएपछि…..

किङ्गस क्यासिनो प्रहरी प्रशासनलाई चुनौती दिदै नेपालीहरुको जमघट गराउदै;आवश्यक कार्यवाही हुनुपर्ने स्थानीयको आरोप !

तराई मधेशमा आज जुड़शीतल पर्व : ज्येष्ठ व्यक्तिले टाउकोमा जल छर्केर दिन्छन् आशीर्वाद

सिरहाको सलहेशमा फूलबारी मेला

सशस्त्र प्रहरीका डिएसपी सुरज रिजालले तस्करीमा कडाई गरि ५५ लाखको अवैध लत्ताकपडा लगाएतको सामानहरु सहित ट्रक गरे भन्सार दाखिला