2024-04-24
Close
2024-04-24
एजेन्सी – भारतको हैदराबादमा २७ वर्षीया पशुचिकित्सकलाई करणी गर्ने अपराधीहरुको इ’न्का’उन्टर गरिएको प्रति स्थानीय जनताले खुसी व्यक्त गरेका छन्।
इन्काउन्टर गरिएको ठाउँमा स्थानीयहरुको भिड लागेको र उनीहरुले प्रहरीको समर्थनमा नारावाजी समेत गरेको भारतीय संचार माध्यमहरुले जनाएका छन्।
भारतीय संचार माध्यमहरुका अनुसार स्थानीयहरुले प्रहरीहरुलाई काँधमा बोकेर जय-जयकार समेत गरेका थिए। स्थानीय महिलाहरुले घटना स्थलमै पुगेर प्रहरी अधिकारीहरुलाई राखी बाँधेर स्वागत पनि गरेका थिए।
स्थानीयहरुले प्रहरीहरुलाई मिठाई खुवाउनुको साथसाथै फूल-माला लगाएर स्वागत समेत गरेको बताइएको छ। स्थानीय मानिसहरूका साथसाथै भारतका धेरै स्थानहरुमा मुठभेड प्रति खुसी व्यक्त गरिएको भारतीय संचार माध्यमहरु बताउँछन्।
यता हैदराबादको बाहिरी इलाका शमशाबादमा बस्ने पिडित महिलाका परिवारजनले पनि राहत महशुस गरेका छन्। भारतीय संचार माध्यमहरमा पिडित महिलाका पिताले अन्तर्वार्ता दिँदै राहत महशुस गरेका बताए।
“यसले मेरी छोरीलाई शान्ति मिल्नेछ।”,उनले भने,”यस्तो मुश्किल घडीमा हाम्रो पक्षमा उभिने तेलंगाना सरकारी पुलिस र सबैजनालाई धेरै-धेरै धन्यवाद।”
अपराधीहरु माथि गरिएको कारवाहीले आफ्नो छोरी फिर्ता नआउने भएता पनि प्रहरीको कदमले समाजमा अपराधीहरुलाई कडा सन्देश जाने उनको भनाई छ।
“अपराधीहरुको इ’न्काउ’न्टरले मेरो छोरी फिर्ता मिल्ने त होइन। तर, यसले समाजमा एक सन्देश पक्कै जान्छ।”,उनले भने,”प्रहरीको कदमले अपराधीहरु समक्ष पक्कै कडा सन्देश गयो।”
प्रहरीको कदमले एक प्रकारको डर पैदा उनको उनको बुझाई छ। “मेरो छोरीसँग जे भयो, अब कसैलाई त्यस्तो गर्न दोहोर्याउने आँट गर्नेछैनन्।”,उनले भने।
नोभेम्बर २७को दिन स्कूटरको टायर पंक्चर भएपछि हैदराबादको टोल प्लासा नजिकै मद्दत पर्खाइमा रहेकी २७ वर्षे पशुचिकित्सकलाई चारजना मिलेर नियन्त्रणमा लिएका थिए।
जसको भोलिपल्ट उनको शव अन्डरब्रिज मुनि जलेको अवस्थामा फेला परेको थियो।
This will close in 20 seconds
