2024-04-19
Close
2024-04-19
अप्पन समाचार,जनकपुरधाम १७ माघ । सिन्धुली बिपी राजमार्गअन्तर्गत सिन्धुलीको गोलन्जोर गाउँपालिका-५ खनियाँखर्कनजिकै शुक्रबार स्कारपियो गाडी दुर्घटना हुदाँ एकजनाको ज्यान गएको छ। अर्का एकजना गम्भीर घाइते भएका छन्।
दुर्घटनामा परी सप्तरी जिल्लाको कन्चनरूप नगरपालिकामा सहलेखापाल पदमा कार्यरत कन्चनरूप नगरपालिका-६ का ३३ वर्षीया सूर्यन्द्र नारायण चौधरीको घटनास्थलमै मृत्यु भएको जिल्ला प्रहरी कार्यालय सिन्धुलीले जनाएको छ।
पूर्वबाट काठमाडौं जादै गरेको स.१च १००९ नम्बरको स्कार्पियो दुर्घटना हुदाँ चौधरीको मृत्यु भएको जिल्ला प्रहरी कार्यालय सिन्धुलीका प्रवक्ता एवं प्रहरी नायव उपरीक्षक श्यामबहादुर खत्रीले बताए।
दुर्घटना परी सप्तरी जिल्लाको कन्चनरूप नगरपालिका-६ कै ३० वर्षीय महमद अफरोज गम्भीर घाइते भएका हुन्। उनलाई सिन्धुली अस्पतालमा सामान्य उपचार गरी थप उपचारका लागी काठमाडौंस्थित ट्रमा सेन्टर पठाइएको प्रहरी नायव उपरीक्षक खत्रीले बताए।
चालकले बाटोमा मादक पदार्थ सेवन गरेर गाडी चलाएकाले आफैँ अनियन्त्रीत भई गाडी सडकबाट एक सय मिटर तल खसेर दुर्घटना भएको प्रहरीले जनाएको छ। थाहा खवर
This will close in 20 seconds
