2023-05-31
Close
2023-05-31
विपिन कुमार यादव/ जनकपुरधाम : तेस्रो मधेस आन्दोलनका शहिदहरुको सम्झनामा बिहीबार साँझ जनकपुरको जनक चोकमा श्रद्धाञ्जली सभा गरिएको छ ।
२०७२ भदौं २५ गते (आजकै दिन) मधेसी दलले ‘चलु जनकपुर, भरु जनकपुर’ नारासहित जनकपुरको आन्दोलनमा सहभागीता लागि जनतासँग आह्वान गरेको थियो । उक्त आन्दोलनमा जनकपुरमा जनसागर नै उर्लियो । प्रशासनले थेग्न सकेन र दमन गरे ।
प्रहरी र आन्दोलनकारीबीच पटक पटक झडप भयो । सोही क्रममा सुरक्षाकर्मीले अन्धाधुन्द गोली चलाए । गोली लागेर निकु यादब, दिलिप यादब र संजय चौधरी शहिद भएका थिए । उनीहरुको सम्झनामा जनता समाजवादी पार्टीले श्रद्धाञ्जली सभा गरियो ।
श्रद्धाञ्जली सभामा प्रदेश साँसद प्रमेश्वर साह, रामअशिष यादब, मेयर लालकिशोर साह, नेताहरु पशुपति यादब, प्रमोद यादब, संजय सिंह, संजय चौधरी, चन्द्रदीप यादव,दिपु कापर, मनोज चौधरी लगायतका नेता तथा कार्यकर्ताको सभागिता थियो । उनीहरुले शहिदको तस्विरमा माल्र्यापण गरे । साथै दिप समेत प्रज्वलन गरियो ।
यता, जनता समाजवादी पार्टीका संघीय साँसद उमाशंकर अरगरियाले मधेस आन्दोलनका शहिदहरुको योगदानलाई कहिल्यै भुल्न नसकिने बताएका छन् । उनले सामाजिक सञ्जालमार्फत श्रद्धाञ्जली अर्पण गरेका हुन् ।
धनुषा क्षेत्र नम्बर २ बाट निर्वाचित उनले भनेका छन्, ‘शहिदले देखेको सपना एकदिन अवश्य पुरा हुनेछ । हामी शहिदको सपना पुरा गर्न अझै संघर्ष जारी राखेका छौं । मधेसको सारा मुद्दा संबोधन नभएसम्म संघर्ष गरिरहन्छौं ।’
