2024-10-12
Close
2024-10-12
जनकपुरधाम । लोकतान्त्रिक समाजवादी पार्टी (लोसपा) नेपालले प्रदेश २ को अध्यक्षमा पूर्वमन्त्री जितेन्द्र सोनल र सचिवमा रामविनाेद चाैधरी सहितका पदाधिकारी चयन गरिएकाेमा धन्यवाद ज्ञापन गरिएकाे छ ।
आइतवार लाेसपाका धनुषा स्थित नेता कार्यकर्ताहरूकाे बैठकले पार्टी अध्यक्ष महन्थ ठाकुरले जिल्ला तथा प्रदेश २ का गरेकाे पदाधिकारी मनाेयन स्वागत याेग्य रहेकाे भन्दै धन्यवाद गरेका छन ।
साे बैठकबाट मनाेनित पदाधिकारीहरूलाई बधाई तथा अध्यक्ष ठाकुर सहित शिर्षस्थ नेताहरूलाई आभार व्यक्त गर्दै प्रदेश तथा जिल्लाका अन्य पदाधिकारी र संरचनाहरूमा मनाेयन गर्न अनुरोध गरेका छन ।
प्रमाेद यादवकाे संयाेजकत्वमा बसेकाे साे बैठकमा प्रदेश सचिव राम विनोद चाैधरी नेताहरू रंजित झा, संजयकुमार साह, जीवछ साह, विमलेश मिश्र, विनोद रोहिता, सरिता कुमारी शर्मा, राजकुमार ठाकुर, नाजिर हुसैन, बलराम यादव र राजु साह लगायत ३४ जना नेताहरूकाे उपस्थिति रहेकाे थियाे ।
पार्टी अध्यक्ष महन्थ ठाकुरले शनिबार प्रदेश २ को अध्यक्षमा सोनल, सचिवमा रामविनाेद चाैधरी र धनुषा अध्यक्षमा परमेश्वर साहलाई मनाेयन गरेका थिए ।
लोसपाले यसअघि शुक्रबार प्रदेश २ का धनुषा, महोत्तरी, पर्सा र बारा जिल्लामा जिल्ला अध्यक्ष चयन गरेको थियो ।लोसपा नेपालको अन्तरिम विधान अनुसार प्रदेश अध्यक्षको जिम्मेवारी दिइएको हो ।
