2024-04-19
Close
2024-04-19
अप्पन जनकपुर
जनकपुरधाम : मतदाना नामावली संकलन कार्यका लागि समय थप गर्न जनमत पार्टीले माग गरेको छ । मधेश प्रदेश निर्वाचन कार्यालयमार्फत ज्ञापन पत्र बुझाउँदै जनमत पार्टीले धेरै जना योग्य नागरिकको मतदाता नामावलीमा नाम समावेश गर्न छुटेकोले समय थप गर्न माग गरेको हो ।
शुक्रबार मधेश प्रदेश निर्वाचनका प्रमुख श्रीधर पन्थीलाई ज्ञापन पत्र बुझाँउदै जनमत पार्टीले अहिले पनि जिल्ला निर्वाचन कार्यालयहरुमा मतदाता नामावलीमा नाम समावेश गराउनेहरुको भिड बढी रहेकोले समय थप गर्न माग गरेको हो ।
साथै जनमत पार्टीले पालिका स्तरमा पुगेर पनि फोटो सहितको मतदाता नामावली संकलन गर्न माग गरेको नेता बीपी साहले जानकारी दिएका छन् । स्थानीय स्तरमा प्रचारप्रसार नहुदा धेरै योग्य नागरिकहरुलाई मतदाता नामावलीमा नाम लेखाउने कार्य बारे जानकारीसमेत नभएकोले स्थानीय स्तरमा प्रचार प्रसार गर्न पार्टीले माग गरेको साहले बताए ।
यसैगरी जनमत पार्टीले मधेश प्रदेशलगायतमा पनि अनलाइन प्रणालीबाट मतदाता नामावली संकल गर्न माग गरेको छ । नेता साहले भने,‘विदेशमा रहेका नेपाली नागरिकहरुलाई मताधिकार दिने कुरा हुँदै आएको छ । त्यो पनि गरिनु पर्छ । तर, तत्काल विदेशमा रहेका योग्य नागरिकहरुलाई मतदाता नामावलीमा नाम समावेश गर्ने व्यवस्था मिलाइनु पर्छ । दूतावास अथवा अनलाइनमार्फत भएपनि विदेशमा रहेका नेपालीहरुको नाम मतदाता नामावलीमा समावेश हुनु पर्छ ।
प्रदेश तथा प्रतिनिधिसभाको निर्वाचन अघि मतदाता नामावली संकलन भइरहेको छ । असार मसान्तसम्म मात्र नाम संकलन हुने निर्वाचन आयोगले जनाएको छ । तर, निर्वाचन कार्यालयहरुमा अहिले पनि मतदाता नामावलीमा नाम लेखाउनेहरुको निकै भिड देखिएको छ ।
This will close in 20 seconds
