जनकपुरधाम । धनुषा प्रहरीले मानव बेचबिखन आरोपमा तीन जनालाई पक्राउ गरेको छ । गत भदौ १२ गते धनुषाको इनरबा नाकाबाट दुई बालिकालाई भारततर्फ बेच्न लैजाँदै गर्दा बोर्डरबाटै तीन जनालाई पक्राउ गरिएको जिल्ला प्रहरी कार्यालय धनुषाले जनाएको छ । जनकनन्दिनी गाउँपालिका वडा नम्बर १ ईनर्वा रेल्वे स्टेशन हुँदै २ जना बालिकाहरूलाई घर डेराबाट ललाई फकाई भारतको दिल्ली तर्फ वेचविखन गर्ने उदेश्यले लगिरहेको अवस्थामा धनुषाको कमला नगरपालिका वडा नम्बर ७ बस्ने बर्ष २६ को रुपेश मिश्र, जनकपुरधाम उपमहानगरपालिका वडा नम्बर २३ लादोबेला बस्ने बर्ष २३ को दिल महमद साह र महोत्तरीको मटिहानी नगरपालिका वडा नम्बर २ बस्ने रानी भन्ने मुस्कान मण्डललाई प्रहरीले पक्राउ गरेको हो । बालिका बेचबिखनको लागि भारत लगिरहेको जानकारी पाएलगत्तै तत्कालै ईलाका प्रहरी कार्यालय खजुरीबाट खटिएको प्रहरी टोलीले तीनै जनालाई पक्राउ गरेको हो । प्रहरी नीरिक्षक निरञ्जन घिमिरेको कमाण्डमा गएको प्रहरी टोलीले तीनै जनालाई पक्राउ गरी आवश्यक कारवाहीको लागि जिल्ला प्रहरी कार्यालय धनुषामा पठाएको हो ।

सम्बन्धित

धनुषाको जनकनन्दिनी गाउँपालिकामा विकास निर्माणको कामकाज सुरु

धनुषा ट्राफिक प्रहरी नयाँ प्रमुखमा इन्स्पेक्टर ओलि आउँदै

पत्रकार यादवको घटनामा ४ जनामाथि मुद्दा दर्ता, एक पक्राउ, तीन फरार

कमला नगरपालिकाको एम्बुलेन्स महिनौंदेखी मेयरको घरमा, उपमेयर खोज्दै एम्बुलेन्स

सुधारगृहमा युवकको मृत्यु : कुटेर हत्या गरिएको परिवारको आरोप

कार्यकर्तालाई इमानदार बन्न एमाले अध्यक्ष ओलीको आग्रह

प्रहरीकै संलग्नतामा हिरासत छल्न अभियुक्तलाई राम जानकी हस्पिटलमा होटलको सुविधा

सुहाङ नेम्वाङले आज सांसद पदको शपथ लिँदै