2024-09-10
Close
2024-09-10
वीरगंज१५ चैत्र
जिल्ला प्रहरी कार्यालय पर्साले वीरगंजको श्रिपुरमा म्याद गुज्रिएका (डेट एक्सपायर) खाद्यवस्तु रिप्याकिङ गरेर बजारमा बेच्ने दुईवटा उद्योगमा छापा मारेर सिल गरेको छ ।
प्रहरीले वीरगंजको श्रिपुर स्थित श्रवण रुङ्ग्टाको घरमा भाडामा लिई संचालित Snack & Pack Industries र Foodco Nepal Crop PVT.ltd मा छापा हानि म्याद गुज्रिएको सामान फेला परेपछि दुईवटा ऊधोगमा सिल गरेको हो ।
वीरगंजको श्रिपुरमा रुङगटाको घर भाडामा लिएर सन्जय अग्रवाल , विद्या सरावगी र सन्तोष अग्रवालले संयुक्त रुपमा सन्चालन गरेका दुई उद्याोगमा म्याद सकिएको खाघान्न सामानहरु रिलेब्लीङ र रिप्याकिङ गरेर बजारमा बिक्रीवितरण भईरहेको प्रहरीले सूचना पाउने लगत्तै उधोगहरुमा छापा हान्दा म्याद गुज्रिएको ड्राइ फुड्स (लालमोहन, चिप्स ,चकलेट , ससेज, जाम , फुलनदाना इत्यादि) बरामद भएपछि सिल गरेको पर्सा प्रहरी प्रबक्ता एवम प्रहरी नायब उपरीक्षक दिपक गिरीले जानकारी दिनुभयो।
जिल्ला प्रशासन कार्यालय , जिल्ला प्रहरी कार्यालय र वाणिज्य, आपुर्ति तथा उपभोक्ता संरक्षण कार्यालयबाट खटिएको टोलीले उद्योगमा छापा मारेर खानतलाशी गर्दा म्याद गुज्रिएका ड्राइफुड्सहरु मिति थपेर रिलेबलीङ र रिप्याकिङ गरि बजारमा आपुर्ति गर्दै आएको भेटिएकोले उद्योग र गोदाम गरि दुवै उद्योगमा गरि करिब ९१ लाख रुपैया मुल्यको म्याद गुज्रिएका सामान सहित सिल गरिएको गिरिले बताए ।
प्रहरीले ती दुवै उद्योगमा काम गर्ने वीरगंज १४ का हरिनारायण प्रसाद कुर्मी , वीरगंज १३ का मनिष चौधरी र वीरगंज ७ का आयुष अग्रवालहरु विरुद्द खाद्य पदार्थमा मिसावट गर्न नहुने सम्बन्धी कसूरमा पर्सा जिल्ला अदालतबाट म्याद लिई थप अनुसन्धान भईरहेको गिरीले बताउनुभयो ।
बरामद सामानहरुको विवरण संकलन गरि उद्योग र गोदामभित्रै राखेर सिल गरिएको भन्दै उनले उद्योग सन्चालकहरु विरुद्ध मुलुकी फोजदारी अपराधसंहिता २०७४ को दफा १०७ र १०८ अनुसार कारबाही प्रकृया अगाडि बढाइएको गिरिले जानकारी दिए ।
