2024-09-07
Close
2024-09-07
अप्पन जनकपुर
जनकपुरधाम । मोटरसाईकल दुर्घटनामा परी एक प्रहरी नीरिक्षक (ईन्सपेक्टर) को मृत्यू भएको छ ।
मधेश प्रदेशको सर्लाहीको ईश्वरपुर नगरपालिका वडा नं. ९ खोरिया टोलमा मोटरसाइकल दुर्घटनामा परेर राष्ट्रिय अनुसन्धान विभागमा कार्यरत प्रहरी निरीक्षक (इन्स्पेक्टर) वसन्त साहको मृत्यु भएको छ ।
सदरमुकाम मलङ्गवास्थित कार्यालयबाट गएराति घरबाट फर्कंदै गर्दा बागमती प्रदेश ०२–०१६ प ००७१ नम्वरको मोटरसाइकल दुर्घटनामा परी राष्ट्रिय अनुसन्धानका इन्स्पेक्टर २९ वर्षीय वसन्त साहको मृत्यु भएको हो ।
ईश्वरपुर नगरपालिका–६, निवासी साह फूलजोर–त्रिभुवननगर सडक अन्तर्गत खोरिया टोल नजिकै रहेको पुलमुनी मोटरसाइकल दुर्घटनामा परेर मृत्यु भएको अवस्थामा बुधबार (आज) फेला परेको प्रहरीले जनाएको छ ।
सर्लाहीका प्रहरी उपरीक्षक नरेशराज सुवेदीले घटनास्थलको प्रकृति मुचुल्का सङ्कलन भइरहेको जानकारी दिए ।
