2024-05-29

Close

जनकपुरधाम । विवाह पञ्चमी महोत्सवको मुख्य दिन आइतबार दिउँसो ऐतिहासिक रंगभूमि मैदानमा भगवान राम र सीताको स्वयम्वर गरिएको छ ।

जनकपुरधामस्थित राम मन्दिरबाट श्रीरामचन्द्रको डोला बाजागाजाका साथ नगर परिक्रमा गर्दै रंगभूमि मैदान पुर्‍याइएको थियो । त्यहाँ पहिलेदेखि नै जानकी मन्दिरबाट जानकी माताको मूर्ति सुसज्जित मण्डप झाँकी र बाजागाजासहित साधुसन्त र श्रद्धालुहरु पुर्‍याइएको थियो ।

राम मन्दिरबाट पुगेको डोलालाई जानकी मन्दिरबाट पुर्‍याइएको मण्डपद्वारा पाँच पटक परिक्रमा गराएर श्रीरामचन्द्रलाई पुष्पहार अर्पण गरियो । राम मन्दिरबाट पुगेको मण्डपबाट महन्तले जानकी मातालाई माला लगाई आरतीपूजन गरे ‌। यो विधिलाई नै स्वयम्वर भनिन्छ ।

स्वयम्वरपश्चात राम मन्दिरको डोला लावालस्करका साथ राम मन्दिर फर्केको छ । जानकी मन्दिरका सहायक महन्त रामरोषण दास वैष्णवका अनुसार आज राति मिथिला परम्पराअनुसार भगवान रामचन्द्र र माता जानकीको वैवाहिक कार्यक्रम हुनेछ ।

त्रेता युगमा मंसिर शुक्ल पञ्चमी तिथिमा श्रीराम जानकीको शुभविवाह भएको प्रसङ्ग रामायण ग्रन्थमा उल्लेख छ । त्यसकै सम्झनामा जनकपुरधाममा हरेक वर्ष धुमधाम तथा श्रद्धापूर्वक साताव्यापी विवाह पञ्चमी उत्सव मनाइँदै आएको छ ।

जनकपुरधाममा नेपाल र भारतका लाखौं श्रद्धालु आएका छन् । जानकी मन्दिरमा बिहानैदेखि वैवाहिक गीत र नाचमा श्रद्धालुहरु रमाइरहेका छन् । श्रद्धालुको सुरक्षाका लागि करिब २ हजार बढी सुरक्षाकर्मी तैनाथ छन् । साथै ड्रोन र सीसीटीभी क्यामेराबाट समेत प्रहरीले निगरानी गरिरहेको छ ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds

This will close in 0 seconds