2024-07-20

Close

जनकपुरधाम । पटक पटक ठगी आरोपमा विवादमा पर्दै आएको जनकपुरको बाबा पेट्रोल पम्पले अझै ठगी धन्दा छाडेका छैनन् ।

कैयौँ पटक पेट्रोलियममा ठगी गरेको आरोप र प्रमाणसहित समेत भेटेर कारवाही भोगेको बाबा पेट्रोल पम्पको एक शाखाले ठगी गरेको प्रमाण फेला परेको छ ।

जनकपुरधाम उपमहानगरपालिका वडा नम्बर २० देवपुरा रुपैठास्थित सँचालनमा रहेको बाबा पेट्रोलमा ठगी गरेको आरोप एक उपभोक्ताले लगाएका छन् । रकम पुरै लिएर पेट्रोल कम दिएको आरोप उपभोक्ताले लगाएका छन् ।

यसअघि पनि कम पेट्रोल दिने गरेको समाचारपछि नेपाल आयल निगम र नापतौल विभागको टोलीले नापजोख गर्दा ईन्धन कम आएको प्रमाणित भएको थियो ।

विहिबार बाबा पेट्रोल पम्पमा पेट्रोल लिन गएका धनुषाकै एक युवकले रु. १६० रुपैयाँको पेट्रोल माग्दा उनको डिस्पलेमा १ लिटर ४०० एम.एल. पेट्रोल गएको देखाएपछि घोटालाको पर्दाफास भएको हो ।

“नेपाल सरकारको दर अनुसार प्रतिलिटर १६५ रुपैयाँ ६५ पैसा मूल्य भएपनि रु. १६० मै १ लिटर ४०० एमएल पेट्रोल गएपछि शंका लागेको थियो । १६५ रुपैयाँमा १ लिटर जानुपर्नेमा १६० रुपैयाँमै अर्थात करिब ६ रुपैयाँ कममै ४०० एमएल बढी पेट्रोल दिने सवाल नै उत्पन्न हुँदैनन् ।”– उपभोक्ता मोनु झाले बताए ।
यसअघि पनि त्यहाँ ईन्धन भराउँदा कम ईन्धन दिने गरेको गुनासो आईरहेको थियो । झाको गाडी रिजर्वमा रहेको अवस्थामा ३ सेकेण्डमै १ लिटर ४०० एमएल पेट्रोल कसरी गयो भनेर सोध्दा त्यहाँका कर्मचारीले बढी नै गएको भनेर जवाफ फर्काएका थिए । तर, उनको सवारी रिजर्वमा हुँदा ईन्धन हालेपछि रिजर्व खुल्नुपर्नेमा रिजर्व समेत नखुलेको र तेल गएको महसुस नै नभएपछि उनले प्रश्न तेर्साएका थिए ।

ज्ञातव्य छ, बाबा पेट्रोल पम्पमा एक लिटरको बोतलमा भने कहिले पनि पेट्रोल नदिने गरेको गुनासो छ । लिटरमा कम ईन्धन दिँदै आएको बाबा पेट्रोल पम्पको नैतिक बेईमानीको कारण पटक पटक कारवाहीमा समेत परेको हो ।

झाले सो पेट्रोल पम्पमा रुपैयाँ पुरा लिएर कम ईन्धन दिने गरेको भन्दै सो पेट्रोल पम्पमा कसैलाई ईन्धन नभराउन सल्लाह दिए । उनले सरोकारबाला निकायले यथाशिघ्र चेकजाँच गरी कारवाहीको दायरामा ल्याउनुपर्ने बताए ।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 0 seconds