जनकपुरधाम । मधेश प्रदेश सभामा नेकपा एमाले सांसद दिपेन्द्र ठाकुर निलम्बनबारे जानकारी गराइएको छ ।

बुधबार सभामुख रामचन्द्र मण्डलले प्रदेश सभा बैठकमा अख्तियार दुरुपयोग अनुसन्धान आयोगले पठाएको निलम्बनसम्बन्धी पत्र पढेर जानकारी गराएका हुन् ।

मंगलबार अख्तियारले ठाकुरसहित १७ जनामाथि धनुषाको औरही गाउँपालकिामा १५ शय्याको अस्पताल निर्माणका क्रममा हिनामिना गरेको आरोपमा विशेष अदालतमा मुद्दा दायर गरेको थियो ।

ठाकुर धनुषा निर्वाचन क्षेत्र नम्बर ३ (२) बाट निर्वाचित भएका थिए । मधेश प्रदेश सभामा ठाकुर एमाले संसदीय दलका उपनेतासमेत रहेका थिए । उनको डीएन्डएन बिल्डर्स प्रालिका तत्कालीन प्रबन्ध निर्देशक रहेको निर्माण कम्पनीबाट कार्य अनुभवलाई संशोधन गरी सात दिनको म्याद थप गरी ठेक्का हात पारेका थिए ।

ठाकुरविरुद्ध अख्तियारले ६ करोड ७९ लाख १२ हजार ३८३ रुपैयाँ बिगो कायम गरी कैद तथा जरिवाना माग गरेको छ ।

यसअघि लोकतानित्रक समाजवादी पार्टी ९लोसपा० संसदीय दलका नेतासमेत रहेका अभिराम शर्मा पनि मधेश आन्दोलनमा सशस्त्र प्रहरीका असई थमन विक हत्यामा जिल्ला अदालतबाट दोषी ठहर भएर निलम्बन भएका थिए ।

सम्बन्धित

वातावरणीय असन्तुलन सबैका लागि चिन्ताको विषय : मुख्यमन्त्री सिंह

धनुषा प्रहरीको हिरासतमा एक बालकलाई कुटपिट गरेको घटनामा छानबिन सुरु

मधेश प्रहरीको फेक आईडी सँचालन, सचेत रहन आग्रह, पेज बनाउने व्यक्तिको खोजी तीव्र

धनुषामा सशस्त्र प्रहरीद्वारा १३ लाख बढीको अवैध काजु बरामद

धनुषामा ससुरालाई चक्कु प्रहार गरी हत्या गरेको आरोपमा ज्वाइँ पक्राउ

प्रहरीलाई पढाइको चटारो, स्टाफ कलेज नगरे डीआईजी हुनै नपाइने

शहिदनगर नगरपालिकामा बेनामे करार कर्मचारीको नाममा २ लाख ४२ हजार रुपैयाँ झ्वाम्म

मधेस बाहेक देशका अधिकांश भागमा मनसुनी वायुको प्रभाव, भारी वर्षाको सम्भावना