काठमाडौं । धुलिखेलस्थित काठमाडौँ विश्वविद्यालय चिकित्सा विज्ञान अध्ययन संस्थान (KUSMS) मा सम्पन्न हालैको विद्यार्थी कल्याण परिषद् (Student Welfare Council) को निर्वाचनमा डा. महेश यादव अध्यक्ष पदमा निर्वाचित भएका छन् । सिरहा नगरपालिका ५ मानपुरका स्थायी बासिन्दा तथा हाल धुलिखेलमा अध्ययनरत डा. यादवले आर्थिक वर्ष २०८२/०७३ का लागि विद्यार्थी हितका विभिन्न कार्यक्रम र सुधार योजनासहित आफ्नो कार्यकाल प्रारम्भ गरेका छन् ।
डा. यादवको नेतृत्वमा परिषद्ले विद्यार्थीहरूको शैक्षिक, सामाजिक, सांस्कृतिक, स्वास्थ्य, खेलकुद र वातावरणीय क्षेत्रमा सन्तुलित र समावेशी विकासका कार्यक्रमहरू सञ्चालन गर्ने लक्ष्य राखेको छ ।
• शैक्षिक तथा विद्यार्थी कल्याण??
परिषद् अन्तर्गत विद्यार्थीहरूको आवाज र सरोकारहरू कलेज प्रशासनसम्म पुर्याउने, शैक्षिक छलफल, सेमिनार र कार्यशाला आयोजना गर्ने, नयाँ विद्यार्थीका लागि ओरिएन्टेसन कार्यक्रम सञ्चालन गर्ने, साथै होस्टेल तथा विद्यार्थी कल्याणसम्बन्धी समस्याहरू समाधान गर्ने कार्य प्राथमिकतामा राखिएको छ। साथै, मानसिक स्वास्थ्य सचेतना र सहकर्मी सहयोग कार्यक्रम पनि सञ्चालन गरिनेछ।
• स्वास्थ्य तथा समुदाय पहुँच??
डा. यादवको नेतृत्वमा परिषद्ले ग्रामीण तथा पहुँचविहीन क्षेत्रमा निःशुल्क स्वास्थ्य शिविर, रक्तदान तथा सचेतना अभियान, सार्वजनिक स्वास्थ्य सम्बन्धी सचेतना कार्यक्रम (स्वच्छता, सरसफाइ, खोप, पोषण आदि) सञ्चालन गर्ने र स्थानीय स्वास्थ्य संस्था तथा गैरसरकारी संगठनहरूसँग सहकार्यमा समुदायमुखी सेवा विस्तार गर्ने योजना बनाएको छ ।
• सांस्कृतिक तथा सामाजिक कार्यक्रम??
के उ स म स परिसरमा दशैं, तिहार, होली लगायतका पर्वहरू सामूहिक रूपमा मनाइने, स्वागत–बिदाई तथा प्रतिभा प्रदर्शन कार्यक्रम, वार्षिक सांस्कृतिक कार्यक्रम “KUSMS NighT” जस्ता कार्यक्रमहरू मार्फत क्याम्पसमा सांस्कृतिक विविधता र एकता प्रवर्द्धन गरिनेछ ।
• खेलकुद तथा स्वास्थ्य??
विद्यार्थीहरूको शारीरिक स्वास्थ्य र टिम भावना सुदृढ गर्न फुटबल, क्रिकेट, भलिबल, बास्केटबल प्रतियोगिता, वार्षिक स्पोर्ट्स वीक तथा डिन कप आयोजना गरिनेछ ।
• पर्यावरण तथा दिगो विकास??
“Clean KUSMS, Green KUSMS” अभियान अन्तर्गत वृक्षारोपण, प्लास्टिक–मुक्त परिसर निर्माण, फोहर व्यवस्थापन र वातावरणीय सचेतना सम्बन्धी कार्यशालाहरू सञ्चालन गरिने योजना छ ।
• नेतृत्व तथा सहकार्य??
परिषद्ले विद्यार्थीहरूमा नेतृत्व, टोली भावना र सहकार्यको संस्कृति विकास गर्ने, कुस्मस प्रशासन तथा काठमाडौँ विश्वविद्यालय केन्द्रीय SWC सँग समन्वयमा काम गर्ने र राष्ट्रियस्तरका विद्यार्थी सञ्जालमा सक्रिय सहभागिता जनाउने प्रतिबद्धता जनाएको छ ।
• मानवीय तथा सामाजिक उत्तरदायित्व??
डा. यादवको टोलीले विपद् राहत कोष, अनाथालय र वृद्धाश्रमका लागि सहयोग कार्यक्रम, तथा लैङ्गिक समानता, मानसिक स्वास्थ्य, सामाजिक उत्तरदायित्व सम्बन्धी सचेतना कार्यक्रम सञ्चालन गर्ने योजना सार्वजनिक गरेको छ ।
डा. महेश यादवले आफ्नो विजयानन्तर भने,
“विद्यार्थी हितका प्रत्येक कदममा पारदर्शिता, सहभागिता र सहकार्यको भावना राख्दै अघि बढ्नेछौं । KUSMS लाई शैक्षिक उत्कृष्टता र मानवीय संवेदनशीलताको आदर्श बनाउने हाम्रो प्रतिबद्धता हो ।”
उनको नेतृत्वमा KUSMS विद्यार्थी कल्याण परिषद्ले विद्यार्थी जीवनमा सकारात्मक परिवर्तन ल्याउने अपेक्षा गरिएको छ ।
