2024-04-16

Close

जनकपुरधाम २० माघ । मोबाइलमा लाग्ने ‘मेमोरी कार्ड’ को लागि विवाद हुँदा धनुषामा एक महिलाको हत्या भएको छ। धनुषाको औरही गाउँपालिका–२ बस्ने २२ वर्षीया चिन्तामणी पासवानको परिवारका सदस्यहरु मिलेर हत्या गरेका हुन्।

हत्यामा संलग्न रहेको आरोपमा प्रहरीले चिन्तामणीका श्रीमान् अनिलकुमार पासवान, ससुरा राधाकृष्ण पासवान, सासु कुमला पासवान र नन्द पुनिता पासवानलाई पक्राउ गरेको छ। जिल्ला प्रहरी कार्यालय धनुषाले सोमबार पत्रकार सम्मेलन गरेर पक्राउ परेकालाई सार्वजनिक गरेको छ।

धनुषाका प्रहरी उपरीक्षक रमेश बस्नेतले मोबाइलको मेमोरीका लागि नन्द पुनितासँग विवाद भएको निहुँमा सबैले मिलेर चिन्तामणीको हत्या गरेको दाबी गरे। उनको घाँटी थिचेर हत्या भएको बस्नेत बताए।

‘मेमोरीको लागि विवाद हुँदा परिवारका सबै सदस्यले घाँटी थिचेर चिन्तामणीको हत्या गरेको प्रारम्भिक अनुसन्धानबाट खुलेको छ,’ बस्नेतले भने, ‘हत्या गरेपनि अपराध लुकाउन उनीहरुले झुण्डिएको भनेर हल्लासमेत फैलाए। पछि उपचार गराउन भन्दै अटोरिक्सामा राखी प्रादेशिक अस्पताल पुर्‍याए।’

घटना भएको दिन शनिबार प्रादेशिक अस्पतालमा उपचारको लागि ल्याएको भनेपनि चिन्तामणीका परिवारका सदस्यहरु त्यहाँबाट फरार भएको एसपी बस्नेतले बताए। प्रहरीले कुमला र पुनितालाई जनकपुरधाम–४ पेठिया बजारबाट तथा राधाकृष्ण र अनिललाई धनुषाको जनकनन्दनी गाउँपालिका–२ बलहा टोलबाट पक्राउ गरेको उनले जानकारी दिए।

सम्बन्धित

ताजा

लोकप्रिय

हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन । अनलाइन पत्रिकाको रुपमा निरन्तर सुचना प्रवाहमा जागरुक रहन्छ । अप्पन जनकपुर मिडिया नेटवर्क प्रा.लि. द्वारा संचालित छ.
कम्पनि दर्ता न: २७४३५८/०७८/०७९
सूचना बिभागको दर्ता नं. २९६५/०७८/०७९
प्रेस काउन्सिल नेपाल सूचीकरण दर्ता नं.२२१/०७८/०७९

हाम्रो टिम

सम्पादक :- वि.पि.यादव
समाचार संयोजक :- विपिन कुमार यादव
वरिष्ठ सल्लाहकार :- श्रवण देब
वरिष्ठ सल्लाहकार :- सन्तोष कुमार यादव
संवाददाताहरु :
बद्री प्रसाद यादव (जनकपुर)
नरेश चन्द्र बरबरिया (सिरहा)
श्याम गुप्ता (बारा)
दिपेश कुमार साह (रौतहट)
कृष्ण यादव (बिरगंज)
अजय मिश्र (कपिलवस्तु)

सम्पर्क

अप्पन जनकपुर मिडिया नेटवर्क प्रा.लि.
जनकपुरधाम २ धनुषा,नेपाल
सम्पर्क नम्बर :- 9804825801, 9844005081
ईमेल :- [email protected],
[email protected]
अप्पन जनकपुर मिडिया नेटवर्क प्रा.लि. द्वारा संचालित हुनेछ

Copyright © 2018-2024 अपन जनकपुर

This will close in 20 seconds