2024-04-24
Close
2024-04-24
विपिन कुमार यादव ,जनकपुरधाम,१८ फाल्गुन । प्रदेश नं. २ को धनुषा जिल्लाको हरेक स्थानीय तहको टोल-टोलमा विसु अभियानले जनताको मन जित्न सफल हुंदै गएको छ ।
सो अन्तरगत जनकनन्दनी गाउपालिका वडा नं. ५ उद्घामा संगठन विस्तार तथा सुदृढ़ीकरणका लागि नगर स्तरिय पार्टी कार्यालयको शनिवार प्रतिनिधि सभा सदस्य,निर्वाचन क्षेत्र नं.२ का सांसद एवं प्रमुख सचेतक उमाशंकर अरगरिया, प्रदेश सांसद शैलेन्द्र कुमार यादव,केन्द्रीय सदस्य क्षेत्र नं.२ विसु अभियानका अभियन्ता अरुण सिंह मण्डल, धनुषा जिल्ला समन्वय समिति अध्यक्ष पशुपति यादवको उपस्थितिमा उद्घाटन कार्यक्रम सम्पन्न भएको छ । विसु अभियान अन्तर्गत जनकनन्दिनी गाउपालिका वडा नं. ५ उधामा कार्यालय उद्घाटन गरिएको छ ।
सांसद अरगरियाले जनताको काम इमानदारीताका साथ गरिदिन नगरका नेताहरुसंग आग्रह समेत गरे । उनले मधेसी जनताको हकअधिकारका लागी संविधान संशोधन गराउन संघर्ष समेत जारी रहेकाले पनि संगठन निर्माणमा बिशेष ध्यान दिन स्थानीय नेताहरु संग आग्रह गरे ।
सरकारले पटक पटक संविधान संशोधन गर्ने आश्वासन दिएर पनि संविधान संशोधन गर्न नसकेपछि संविधान संशोधनका लागि दवाब दिने उदेश्यका साथ पार्टीलाई नयाँ ढंगबाट अगाडी बढाउन समाजवादी पार्टीले देश भरि संगठन बिस्तार तथा सुदृढीकरण अभियान संचालन गरेको छ ।
बैठकमा प्रमुख अतिथि सांसद उमाशंकर अरगरिया, केन्द्रीय सदस्य अरुण सिंह मण्डल ,बिशिस्ट अतिथि प्रदेश सांसद शैलेन्द्र कुमार यादव, पशुपति यादव , अबदुल शेख,सुनिता साह,अशोक कुमार मण्डल ,प्रमोद अधिकारी ,दिप्या देवी दास,बिक्रम यादव , नगर अध्यक्ष राधेश्याम यादव , लगायत जनकनन्दनी गाउपालिका अन्तर्गत सबै वडा अध्यक्ष लगायत पदाधिकारी एवं विभिन्न भातृ संगठनका अगुवा नेताकार्यकर्ताहरुको उपस्थिति रहेको थियोे ।
This will close in 20 seconds
