2024-09-07
Close
2024-09-07
विपिन कुमार यादव/ जनकपुरधाम : धनुषाको शहिदनगर नगरपालिका ९ स्थित युवा कल्बको भवन देखि बछराजा नदि तर्फ जाने सडक हिलो भएर अवरुद्ध नै भएको थियो । स्थानीयले जनप्रतिनिधिलाई गुहारे । तर जनप्रतिनिधले वास्ता नगरेपछि जसपा युवा संघ शहिदनगर नगर उपाध्यक्ष निशान्त कुमार मरिक (पप्पु ) आफ्नै लगानीमा हिलो पुर्न थालेका छन् ।
करिब १ सय मिटरको हिलो बनेको उक्त सडकमा माटो पुरेपछि आवतजावत गर्न सहज हुनेभएको छ । हिलोमा ट्याक्टर लिएर माटो खसाएका छन् । स्थानीय युवाहरुले मजदुरको रुपमा खटेर सडकमा माटो सम्याए । अहिले आवतजावत गर्न सहज भएको स्थानीय बताउँछन् ।
स्थानीय रुपेश यादव भन्छन्, यहाँ एम्बुलेन्स,मोटरसाइकल,लगायत मान्छे आवत जावत गर्न जानसक्ने अवस्था पनि थिएन । हिलोमा माटो पुर्न कैयौं पटक नगरपालिकामा भने तर कसैले सुनेन । अनी बाध्य भएर जसपाका युवा संघ नगर उपाध्यक्ष मरिकलाई भनेपछि उहाँले आफ्नै लगानीमा माटो हाल्नुभयो ।’
