2025-06-26
Close
2025-06-26
जनकपुरधाम । पर्सा जिल्लाबाट संघीय सरकारमा मन्त्री बनेका संघीय मामिला तथा सामान्य प्रशासनमन्त्री राजकुमार गुप्ता भ्रष्टचार काण्डमा मुछिएका छन ।
मन्त्री गुप्ताको घुस मागेको अडियो सार्वजनिक भएपछि उनी भ्रष्टचार काण्डमा मुछिएका हुन । अडियोमा मन्त्री गुप्ताले आफैंले घुस मागिरहेको स्पष्ट रूपमा सुन्न सकिनेछ । यो काण्ड बाहिरीएसंगै मन्त्री गुप्ता विरुद्ध अख्तियार दुरुपयोग अनुसन्धान आयोगमा उजुरी दर्ता भएको छ ।
उनी विरुद्ध आयोग मंगलबार भ्रष्टचार सम्बन्धी मुर्दा दर्ता भएको हो । उजुरीको दर्ता नम्बर ऋ–०७८५५५ रहेको छ । दर्ता गरिएको उजुरीमा मन्त्री गुप्ताले कास्की जिल्ला मालपोत कार्यालयको प्रमुखको सरुवा तथा थमौती मिलाइदिने भन्दै ५३ लाख रुपैयाँ माग गरेको उल्लेख छ । यसैगरी भने भूमि आयोगको सदस्य बनाउन २५ लाख रुपैयाँ घुस मागेको अडियो प्रमाणसहित अख्तियारमा उजुरी परेको छ ।
मन्त्री गुप्ताले एक व्यापारीसँग जम्मा ७८ लाख रुपैयाँ डिल गरेको र उक्त वार्ताको अडियो रेकर्ड समेत अख्तियारमा बुझाइएको छ । अडियोमा मन्त्री आफैंले घुस मागिरहेको अडियो सार्वजनिक भएको थियो ।
अडियोमा मन्त्रीले रकम दराजमा राखिएको र आफूले पूर्वमन्त्री रहेकी एक सांसदमार्फत पटकपटक रकम लिएको समेत उल्लेख गरिएको स्रोतले जनाएको छ ।
उजुरीकर्ताले उजुरीमा पैसाको तस्बिर, गाडी नम्बर र नम्बर नोट विवरण समेत अख्तियारमा पेश गरिएको छ । सार्वजनिक भएको अडियोमा मन्त्री अडियोमा मन्त्रीले, “पशुपतिनाथ र आफ्नै छोराको कसम खाएर भन्न्छु, सचिवले नमान्दा समस्या भएको हो तर तपाईंको समस्या मेरो पनि हो, हामी दुई भाइ मिलेर गर्छौं,” भनेको अंश पनि सुन्न सकिने छ ।
यस विषयमा प्रतिक्रिया लिन मंगलबार मन्त्री गुप्तालाई फोन र म्यासेजमार्फत सम्पर्क गरिए पनि उनले “बुधबार भेटेर कुरा गरौं, समाचार अहिले नछाप्नु” भन्दै प्रतिक्रिया दिन अस्वीकार गरेका छन ।
विवादमा तानिएका मन्त्री गुप्ता पर्सा जिल्लाबाट नेकपा एमालेबाट निर्वाचित भई संघीय सरकारमा मन्त्री बनेका हुन ।
