2024-04-18
Close
2024-04-18
अप्पन जनकपुर
श्याम गुप्ता
बारा / बारामा थप ३७ हजार १ सय ६१ जना मतदाता थपिएका छन् । पौष १८ गते सम्म जिल्लामा नयाँ र पुराना गरी ४ लाख १३ हजार ७ जना मतदाता पुगेका हुँन् ।
जिल्ला निर्वाचन कार्यालय, बाराले मंसिर तेस्रो साताबाट मतदाता नामावली संकलन विशेष कार्यक्रम सञ्चालन गरेको थियो ।
जिल्लाका १३ वटा पालिकामा २ चरणमा टोली समेत खटाईएकाे थियो । टोलीमा १९ हजार ३ सय ७९ र कार्यालयबाट १७ हजार ७ सय ८२ गरी जम्मा ३७ हजार १ सय ६१ जना नयाँ मतदाताको नाम दर्ता गरेको जिल्ला निर्वाचन अधिकृत सरोज कुमार चौधरीले बताएका छन् ।
जस मध्ये ९ हजार ७ सय ३६ महिला र ९ हजार ६ सय ४३ पुरुष गरी १९ हजार ३ सय ७९ जनाले टोलीमा नाम दर्ता गराएका छन् । निर्वाचन कार्यालय बाराले मंसिर १७ गते देखि पौष २ सम्म ७ वटा पालिका र पौष ४ गते देखि १८ गते सम्म ६ वटा पालिका गरी जम्मा १३ वटा पालिकाहरुमा दुई चरणमा टोली मार्फत नामावली संकलन गरिएको थियो ।
जिल्ला प्रशासान कार्यालय, निर्वाचन कार्यालय, सिमरा र कोल्हबी ईलाका प्रशासन कार्यालय मार्फत नियमित रुपमा नामावली संकलन भईरहेको अधिकृत चौधरीले बताए ।
उल्लेखित कार्यालय सम्मै पुगेर ८ हजार ३५ जना महिला र ९ हजार ७ सय ४७ जना पुरुषले नाम दर्ता गराएका हुँन् ।
कलैया उपमहानगरपालिका, जीतपुरसिमरा उपमहानगरपालिका र कोल्हबी नगरपालिकामा निर्वाचन कार्यालय तथा ईलाका प्रशासन कार्यालय भएका कारण टोली नपठाईएको चौधरीले जानकारी दिएका छन् ।
पौष १८ गते सम्म चलेको टोलीमा सबै भन्दा बढी ३ हजार ५ सय ३६ जना सिम्रौनगढ नगरपालिकामा र सबै भन्दा कम १ हजार १० जना देवताल गाउँपालिकामा मतदाता थपिएका छन् ।
यसरी टोलीमा नाम दर्ता गर्नेमा युवाहरुको संख्या अधिक रहेको निर्वाचन अधिकृत चौधरीले जानकारी दिए ।
बारामा यस अघि १ लाख ६८ हजार १ सय १९ महिला, २ लाख ७ हजार ७ सय १६ पुरुष र ११ जना तेस्रो लिङ्गी गरी ३ लाख ७५ हजार ८ सय ४६ मतदाता थिए ।
This will close in 20 seconds
